Lalaki a sumangsango ti kaso a robbery ken carnapping, naipanen idiay provincial jail

VIGAN CITY- Naiyalisen idiay Provincial Jail ni Michael Belayo Francisco nga agtawen iti uppat a pulo ket innem, naasawaan, mannalon ken agnaed idiay Brgy. Malibay, San Miguel, Bulacan a sumangsango iti kaso a robbery ken carnapping.

Maipalagip a dinanun pay mismo ti Vigan City PNP idiay San Miguel, Bulacan ti suspek ta inbanag da ti warrant of arrest kontra kenkuana nga inparuwar ni Hon. Dominador Arguelada, executive judge ti Regional Trial Court, 1^st Judicial Region, Branch 20, Vigan City idi March 24, 2008.

Uppat a gasut a ribo a pisos iti intuding ti korte a piyansa ti suspek para iti temporaryo a pannakawaya-waya na, tallo gasut a ribo a pisos para ti kaso na a carnapping ken sangagasut a ribo a pisos met para iti kaso na a robbery.