VIGAN CITY- Uppat a gasut a ribo a pisos iti piyansa ni Michael Belayo Francisco nga agtawen iti uppat a pulo ket innem, naasawaan, mannalon ken temporaryo nga agnanaed idiay San Miguel, Bulacan tapnu temporaryo a mawaya-wayaan.
Segun ken ni Police Superintendent Dexter Paredes, hepe ti Vigan City PNP, sumangsango ti suspek iti kaso a robbery ken carnapping ket nakemmeg isuna idiay Brgy. Malibay, San Miguel idi naminsan nga aldaw babaen iti panagkikinnammayet dagiti kameng ti Vigan City PNP ken San Miguel PNP.
Ti piyansa ti suspek iti kaso na a robbery ket sangagasut a ribo a pisos idinto a ti carnapping ket tallo gasut a ribo a pisos.
Ti warrant of arrest ti suspek ket inparuwar ni Hon. Dominador Arguelada, executive judge ti Regional Trial Court, 1st Judicial Region, Branch 20, Vigan City idi March 24, 2008.
