VIGAN CITY – Im-imbestigaran pay laeng dagiti pannakabagi ti linteg iti pammaltog idiay Barangay Pulot, Lagayan, Abra a nakatayan ti biktima a ni Wilfred Bersamira alyas Boy London nga agtawen iti uppat a pulo ket dua, mangngalap nga agnaed iti nasao a lugar.
Ti maitudtudo a suspek iti nasao a pammaltog ket maysa a menor de edad nga agnaed met laeng idiay Barangay Pulot.
Maibasar iti inisyal nga impormasyon manipud ti Abra Police Provincial Office, naginom ti biktima kadua na da Ali Donato kenni Peter Tandingan iti pagtaengan ni Allan Bernal ket idi agawid dan, nakasinnubang ti biktima iti kabsat a babai ti suspek.
Ti dayta a kanito, dimteng ti suspek ket pinaltugan na iti ulo ti biktima a poon iti nakatayan na uray nu naitaray idiay Abra Provincial Hospital.
