VIGAN CITY– Gapu iti pannakatakaw ti motorsiklo na iti mapapati a rason iti nagpakamatayan ti maysa a lalaki idiay Bantay, Ilocos Sur.
Nabigbig ti biktima a ni Rolando Reyes, 34, ken taga Balaleng Laudenia, Bantay.
Segun iti ama ni Reyes a ni Rogelio Reyes, awan iti ammo dan a problema iti anak na malaksid iti pannakatakaw ti motorsiklo na babaen kadagiti saan a nabigbig a suspek.
Kinuna met ti kabsat na a ni Rosemarie Ragasa a sakbay iti insidente ket adda nakakita iti kabsat na nga agsangsangit ken agsursurat ti mapapati a suicide note nga iti agdama ket iggemen ti PNP-Bantay.
Naammuan a nakita laengen a nakabitin iti kayo ti mangga ni Reyes nga asideg ti kubo a 50 a metro iti kaadayo na manipud kadagiti pagtaengan.
