VIGAN CITY- Iligal a droga iti maysa kadagiti imimbestigaran dagiti kameng ti Narvacan municipal police station a motibo iti pannakapapatay ni Abraham Cabuena idiay Barangay Nanguneg, Narvacan idi kalman ta maysa isuna a high value target ken karaman iti drug list nga inparuar ni Presidente Rodrigo Duterte.
Nupay kasta, inlawlawag ni Major Marcelo Martinez , Officer-In-Charge ti Narvacan PNP, mangkita da pay ti sabali nga aggulo iti krimen ta ni Cabuena ket idi napan a tawen laeng a nagsubli iti lugar da kalpasan iti lima a tawen ta simmuko kadagiti pannakabagi ti linteg ken dimmalan pay iti community drug rehabilitation program.
Maipalagip a maibasar iti report ket nakalugan iti motorsiklo ti biktima idi pinaltugan ti saan pay a nabigbig a suspek a poun iti nakatayanna.
