VIGAN CITY- Milagro a nakalasat ni William Beroña Palecpec, agtawen iti uppat a pulo ket walo ken taga-Malapaao, Langiden, Abra uray nu dua a tama iti tengnged iti sinagaba na gapu iti panangpaltog kenkuana ti kanakan na a ni Brando Castillo Palecpec, agtawen iti sangapulo ket walo ken agnaed met laeng iti nasao a lugar.
Segun ken ni Police Inspector Gregorio Kiwalan ti Langiden Police Station, nabartek ti suspek idi sinerrek na iti kuarto ti biktima nga idi ket kaabay ni Ryan Datuin, agtawen iti dua pulo ket dua ken taga-Laoag, Ilocos Norte ket dinamag na iti uliteg na nu apay nga awan iti turay na iti uneg iti pagtaengan da ngem insungbat ti uliteg na nga agpatang danto laengen nu nausawanen.
Pimmanaw ti suspek ngem nagsubli ket ditan a pinaltugan na ti uliteg na iti namindua a daras sa naglibas isu nga itan ket sapsapulen dagiti pannakabagi ti linteg.
Naala manipud iti nakapasamakan iti insidente iti dua a kapsula iti caliber 9mm a paltog ken maysa a deformed slug.
