--Ads--
VIGAN CITY – Nakemmeg ti maysa a lalaki kabayatan ti dragnet operation dagiti otoridad idaiy Brgy. Banaoang, Bantay ta adda iti paltogna.
Nabigbig ti suspek a ni Edgardo Cortez agtawen limapulo ken agnaed ti Brgy. Rizal Santa.
Basar ti report manipod Bantay Municipal Police Station, naipakammu kadakuada nga adda ti napasamak a pammaltog idiay ili ti Santa iso a nangiwayatda ti dragnet operation a nakekemmegan ni Cortez.
Nakalugan iti motorsiklo a Pinoy 155 iti suspek ket naala manipod kenkuana ti maysa a caliber 9mm nga awan markings na ken serial numberna nga adda pito a balana.
-- ADVERTISEMENT --
Ti agdama agtultuloy ti imbestigasyon dagiti otoridad no adda pakainaigan ni Cortez iti napasamak a pammaltog idiay ili ti Santa.
