VIGAN CITY – Naballigi iti pannakakemmeg ni Erwin Garcia Castillo, agtawen ti tallopulo ket dua, naasawaan, awan ti trabahona nga agnaed idiay Brgy. Margaay Cabugao iti naisayangkat nga Anti-Illegal Drug Operation idiay Brgy. Baclic, Cabugao.
Naala iti maysa a small heat sealed transparentplastic sachet a naglaon iti puraw a crystalline substance a mapapati a Methamphetamine Hydrochloride wenno shabu a nagatang kenkuna, tallo a small heat sealed transparent plastic sachet a naglaon iti mapapati a shabu ken maysa a lima gasut a pisos a nagserbi a buy bust money.
Dagiti naala ket agdagsen iti nasurok kumurang 0.01 a gramo nga aggatad iti duaribo a pisos.
Kabayatanna, addan iti kustodiya dagti Cabugao Police Station ti suspek ken dagiti naala tapno maidalan iti husto a proseso.
