--Ads--
VIGAN CITY- Imimbestigaranen ti Candon City police station no agmulmula wenno adda ti supplier na ti marijuana ni Rodel Custodio Palma, agtawen ti sangapulo ket syam , mannalon a taga Barangay Salvador Segundo, Candon City a nakemmeg iti buy-bust operation idiay Barangay Langlangca Segundo, Candon City, alas otso baente ti rabii idi Disyembre baente sais.
Segun kenni Police Chief Inspector Reneboy Lata, Deputy Chief of Police ti Candon-PNP, kabarbaro a drug personality ni Palma nga agar-aramat ken aglaklako ti iligal a droga.
Maipalagip a naala kenkuana ti maysa a sachet ti maatap a marijuana kas buy-bust item, sangagasut a pisos a marked money ,sabali pay ti maysa a sachet ti maatap met laeng a marijuana nga ikot na.
