Lalaki, nakemmeg iti buy-bust operation idiay Caoayan

Nakemmeg ti maysa nga indibidual iti naisayangkat a buy-bust operation idiay Caoayan, Ilocos Sur.

Ti suspek ket agtawen iti duapulo ket siam nga agnaed iti Barangay Tamag, Vigan City.

Naala manipod ti suspek iti drug evidence a 2.1 a gramo iti mapapati a shabu nga aggatad iti P14,280 a naipan iti tallo nga small heat-sealed transparent plastic sachets a nagserbi a buy-bust item ken possession.

Kasta pay a naala ti non-drug evidence a maysa a piraso iti genuine 100-peso bill a nagserbi a buy-bust money, dua a piraso iti P1,000 a nagserbi a boodle money, ken maysa a unit iti motorcycle pinoy color black nga awan iti plakana.