VIGAN CITY– Bangkayen idi nakita dagiti otoridad iti maysa a lalaki a a nag-dive idiay Old Quirino Bridge iti nagbaetan iti ili ti Bantay ken Santa,Ilocos Sur.
Nabigbig ti biktima a ni Allan Ortega, agtawen ti 27, baro ken taga Brgy. Naguiddayan, Bantay.
Pasado alas dyes itay bigat a nakaawat ti report ti Provincial Disaster Risk Reduction and Management Council (PDRRMC) Emergency Response Team inaig iti drowning incident idiay Old Qurino Bridge ket tallo nga oras kalpasan iti panagresponde da ket nasarakan iti bangkay ti biktima.
Segun kenni PC/Insp. Edgardo Medrano, hepe ti Bantay-Municipal Police Station, nagapu iti Sallacong, Bantay ti biktima ken dagiti gagayyem na idi nagsardeng da iti Old Quirino Bridge .
Kalpasan a nag-dive iti rangtay saanen nga imma-on iti biktima isu a nagpatulong dagiti kakadwa na kadagiti otoridad.
Maibasar kadagiti nakakita iti insidente ket mapapati a nabartek ti biktima ta arig na matmatnag kabayatan a nakalugan iti likod iti motorsiklo iti kadwa na.
