Maysa a food cart ti intaray ti maysa a lalaki idiay Barangay Paras, Candon City, Ilocos Sur idi June 13, 2026.
Ti suspek ket agtawen iti tallopulo ket uppat, naasawaan nga agnaed idiay Quirino.
Ti met biktima ket babai nga agtawen iti tallopulo ket maysa, negosyante nga agnaed idiay Barangay Calaoan, Candon City.
Personal a nagturong ti biktima iti Candon City Police Station ket impakaammona a ti black Motoposh motorcycle nga adda sidecare wenno siomai food cart-na ket innala ti suspek nga awan ti pammalubosna.
Segun ti biktima, idi June 8 ket nagturong ti maysa kadagiti empleadona iti boarding house-na a masarakan idiay Barangay Paras, Candon City ta inyam-ammona ti suspek a prospective vendor iti siomai business-na isu nga insigidana daytoy nga inawat.
Idi June 11 ket nangrugi a nagtrabaho ti suspek ket intalek ti biktima kenkuana ti nasao a food cart karamanen ti siomai products tapno aglako, ngem idi June 13 ket gapu ti nababa a sales performance ti suspek ket inkeddeng ti biktima nga ikkaten iti trabaho isu nga inturn-over ti suspek ti lugan.
Kalpasanna, binilin ti biktima ti maysa nga empleadona nga alaen ken iparking ti food cart iti boarding house ngem idi June 14 ket pinasingkedan ti empleadona nga innala ti suspek ti nasao a lugan ket agingga ita saan pay a naisubli.
Agtultuloy ti isaysayangkat a hot pursuit operation dagiti kameng ti Candon City Police Station tapno makemmeg ti suspek.
