VIGAN CITY- Pagpapatangan pay laeng ti pamilya Lara no kasuan da dagiti nangkabil ken nangbagkong kenni Excel Gannaban Lara, agtawen ti tallo pulo ket syam, baro nga awanan ti trabaho a poun ti nakatayanna idiay Barangay Pantay Daya, Vigan City ta dagiti suspek ket dagiti kakabsat na a da Marites Lara Bustamante, agtawen ti uppat a pulo ket tallo, naasawaan kenni Aurelio Gannaban Lara, agtawen ti tallo pulo ket pito nga agpapada nga agnaed met laeng iti nasao a lugar.
Segun kenni Psupt. Dexter Paredes, hepe ti vigan city police station, no makasuan man dagiti agkabsat ket homicide ti maipila kontra kadakuada ngem iyur-uray da pay no anya ti pangngeddeng ti pamilya da.
Nabartek ti biktima a simmangpet iti pagtaengan da ket mapapati a nagprobokar isu a minalo ni Marites iti ulo na ti kayo ken steel pot iti namin-adu a daras ket idi natuang, simmublat met ni Aurelio a dinanog ti biktima iti namin-adu a daras.
Malaksid iti dunor iti ulo a mapapati a gapu ti panangmalo ni Marites iti ulo ti kabsat na ket dunor pay gapu ti pannakabagkong ti biktima iti nakatayan na.
Ilibak dagiti dua a binagkong da ti biktima ngem adda iti kutsilyo a nakita dagiti otoridad iti crime scene nga agatiddog iti pito a pulgada.
