Maysa a lalaki ti aksidente a napaltuganna ti bagina idiay idiay Barangay Mabilbila Norte, Santa, Ilocos Sur.
Nabigbig ti biktima a ni Rey Comilang Reyes, agtawen iti uppat a pulo ket walo, agnaed iti nasao a lugar.
Dagus a nagresponde dagiti pannakabagi ti linteg ti Santa Police Station idi maawatda ti report mainaig iti napasamak.
Ket idi madanonda, nakitada a nagsagaba iti tama ti paltog ti tyan ti biktima a naipaagas met iti ospital para iti naan-anay a pannakatamingna.
Iti pannaki-uman ti Bombo Radyo Vigan ken ni Police Captain Rovic Nelmida, officer-in-charge, Santa Municipal Police Station, nakainom ti suspek ket ay-yamenna ti paltog idi bigla a nakalbitna ti trigger ket napuntaan ti tyanna.
Caliber 22 revolver nga adda dua a balana ti naaramat iti napasamak a boluntaryo met nga insuko dagiti kabagyan ti biktima iti Santa Police Station.
