--Ads--

VIGAN CITY – Binagkong ni Pablo Habab , agtawen ti uppat a pulo ket innem, naasawaan ken agnaed idiay Brgy Sapang, Sta. Lucia ti kasinsinna a ni Benjamin Habab, agtawen ti dua pulo ket maysa nga agnaed met laeng iti nasao a lugar.

Segun kenni Police Chief Master Sergeant Juliet Apusen ti Sta. Lucia municipal police station, agi-inom dagiti agkakabagyan idi ta nairidep ti suspek ket natarimbangon ta narikna na a nadunor iti ngato ti kiday na.

Inatap ti suspek a dagiti kakaduana iti akin-aramid ket kayat na iti agibales isu a nakapungtot ket nangala ti armasna sa rimuwar iti pagtaenganda ket binagkong na ti lalaki a naasitgan na ngem saan na nga inpagarup a ti gayam kabagyan na iti nabagkong na.

Naipaagas idiay Ilocos Sur District Hospital – Sta. Lucia ti biktima ngem naiyalis iti ospital idiay Candon City para iti pannakatamingna idinto a ti suspek ket ikoten ti Sta. Lucia PNP.

RELATED ARTICLESMORE FROM AUTHOR