--Ads--
Nakemmeg ti maysa a lalaki gapu iti panangbagkongna iti ulitegna idiay Barangay San Lucas, Magsingal, Ilocos Sur.
Nabigbig ti suspek a ni Frederick Batting Tamayo, agtawen iti duapulo ket tallo idinto a ti biktima ket ni Calixto Robo Tamayo, agtawen iti limapulo ket dua, agpada nga agnaed iti nasao a lugar.
Agayay-ayam ti suspek iti Mobile Legends idin ta sinaludsod ti biktima no in-charge-na ti cellphone-na ket simmungbat ti suspek a saan.
Sipud iti dayta, nagriri dagiti dua ket dinanog ti biktima ti suspek, isu a bimmales ti suspek babaen ti panangbagkongna iti namitlo a daras.
-- ADVERTISEMENT --
Gapu dayta, naitaray iti ospital ti biktima para iti pannakatamingna.
Narekobre met dagiti PNP personnel ti kutsilyo a 12 ½ inches ti rukodna agraman ti aputanna.
