VIGAN CITY – Boluntaryo a simmurot kadagiti pannakabagi ti linteg ni Edwin Flores Ramirez nga agtawen iti uppat a pulo ket innem, baro ken agnaed idiay San Pedro, Narvacan a nangbagkong ti kanakan na a ni Jar Abaya nga agtawen iti tallo pulo iti nasao a barangay idi ala una y media iti malem idi kalman a poon iti nakatayan na.
Patien ni Barangay Chairman Ernie Molina a nakaro ti angaw ti biktima ken ti uliteg na idi kalman ken nakainom da pay isu a nabagkong ti suspek ti biktima iti mamindua a daras ket natamaan iti barukong ken akin-baba a paset iti kili-kili na.
Segun ken ni Molina, damo laeng nga adda iti mapasamak a nasao a klase iti insidente iti barangay da ngem pinasingkedan na nga awan iti unay reklamo iti barangay kontra ti suspek ta nalaing met a maki-innangaw ken uray nu makainom ket saan met a parikot dagiti kameng ti pamilya ken karruba na.
Maibasar iti imbestigasyon, agin-indayon dagiti dua kalpasan iti panaginom da idi bigla a kinugtaran ti biktima iti mamin-adu a daras nga isu iti mapapati a nakapungtotan ti suspek ket nangala ti kutsilyo sa na inbagkong ken ti biktima.
