VIGAN CITY – Dua a bateria iti heavy equipment wenno payloader a kukua iti munisipyo iti tinakaw ni Florante Obillo, agtawen ti lima pulo, naasawaan nga agnaed idiay Barangay Bungol, Balaoan, La Union idiay Barangay Ayusan, Sta. Lucia.
Segun kenni Police Chief Master Sergeant Genson Refuerzo nga imbestigador ti Sta. Lucia Municipal Police Station, naipakammo kadakuada iti panagtakaw ni Obillo babaen kada Nelson Valdez ken Mark Kevin Arcega nga agpada nga empleyado iti munisipyo ti Santa Lucia ket idi tinurongda iti lugar ket nakitada ti nakamotorsiklo ni Obillo ket napanna inlako iti bateria iti payloader ti maysa a junk shop idiay Barangay Catayagan.
Ti panagturong dagiti otoridad ket nakapagsaritan ti trabahador iti junk shop ken ni Obillo ket mabayadan koman ti sangaribo ket sanaggasut a pisos iti kada maysa a mapatta-patta nga aggatad ti sangapulo a ribo a pisos ti maysa.
Manarimaanen iti pannakasimpa dagiti dokumento para iti kaso a maipila kontra ti suspek.
Ni Obillo ket mapapati a saan nga agtaltalinaed ditoy probinsia no ketdi agpaspasyar laeng angingga nga adda makitana a biktimaenna.
