VIGAN CITY – Kaso nga illegal possession of firearms and ammunition act ti sangwen ti maysa a lalaki a nagprobokar idiay Malamin, San Juan ken agik-ikot iti saan a lisensyado a paltog.
Nabigbig ti suspek a ni Floreben Erese, agtawen ti duapulo ket innem nga agnaed iti nasao a lugar.
Segun ken ni Pol. Capt. Benjamin Raquedan, hepe ti San Juan Municipal Police Station, nagrespondeda nga insigida idi naidanun kadakuada nga adda iti panagprobokar a mapaspasamak ket insuko ti live-in partner ti suspek ti homemade caliber 38 nga awan ti balana.
Mapapati a pinangtaan ti suspek a paltuganna iti ikitna gapu ta adda iti saanda a nagkinnaawatan.
Saanen nga interesado nga agipila ti ikitna ti kaso kontra kenkuana ngem no pay kasta ket ikoten dagiti pannakabagi ti linteg ti suspek tapno dumalan iti usto a proseso.
