--Ads--
Dead on arrival ti maysa a lalaki a nagmaneho iti motorsiklo gapu iti pannaka-aksidentena iti national highway ti Barangay Paing, Bantay, Ilocos Sur.
Nabigbig ti drayber iti Motorstar Zest X 110 motorcycle a ni Junjun Gadot Sabugo, agtawen iti duapulo, taga-Barangay Napo, Sto. Domingo.
Iti pannaki-uman ti Bombo Radyo Vigan ken ni Police Captain Sherwin Beroña, agpapalaud ti motorsiklo ket idi magtengna ti kurbada a paset ti kalsada ket naawanan iti kontrol iti manibelana isu a naguyas iti kalsada.
Nagsagaba iti nakaro a dunor ken nagporma payen a letter S ti bagi ti drayber ket naitaray iti ospital ngem saanen a nakalasat.
-- ADVERTISEMENT --
Awan ti helmet ti drayber ken nakainom idi maaksidente.
