VIGAN CITY – Maysa a lalaki ti natay ta bimtak ti nilukatanna a metallic drum iti Brgy Camarao, Narvacan.
Nabigbig ti biktima a ni Arsensio Carrancho, agtawen iti duapulo ket siam, awanan ti asawa, construction worker nga agnaed ti nasao a lugar
Iti pannaki-uman ti Bombo Radyo Vigan kenni PMaj. Arcadio Viloria iti Narvacan Municipal Police Station, luklukatan ti biktima ti metallic drum a naggapu iti inwaras ti Local Government unit kadagiti mannalon babaen iti grinder idi bimtak a puon ti insigida a pannakatayna gapu ti sinagabana a dunor kangrunaan iti rupa ken naduma-duma a paset ti bagina.
Napasamak ti insidente iti family house ti biktima ket narikna dagiti karruba da ti panaggined a mangipasimudaag a napigsa ti panagbettak.
Innayon ni Viloria nga adda dagiti chemical component iti kada drum a maiwarwaras ken uray kadagiti magatgatang isu a napeggad ti grinder nga aramaten a panglukat ta posible a bumtak.
Inyunay-unayna nga awan met ti pakabasulan ti LGU inaig ti nasao a banag ta adda iti wagas a panaglukat kadagiti magatgatang wenno maiwarwaras a drum.
