Nakemmeg ti maysa a lalaki a naaktuan nga agtaktakaw iti manok idiay Barangay Padu Grande, Sto. Domingo, Ilocos Sur.
Nabigbig ti suspek a ni Reynaldo Banaga, agtawen iti uppat a pulo ket maysa, pintor a taga-Barangay Zone 5, Bantay.
Ti met biktima ket ni Alain Pineda Aldana, agtawen iti limapulo, negosyante, taga-Barangay Bahet, San Ildefonso, Ilocos Sur.
Alas tres iti malem ti August 10, 2024, ti biktima ket kinuyog ni Pablito Oli, farm helper a nagreport iti Sto. Domingo Police Station a ti suspek ket dinuroganna ni Pablito a takawen dagiti pangtadi a manok manipud iti talonna.
Alas nuebe singkwenta iti rabii ti August 10, nangisayangkat ti Sto. Domingo Muncipal Police Station iti entrapment operation a nakakemmegan ti suspek a naaktuan nga agtaktakaw kadagiti manok iti 3D Game Farm a kukua ti biktima.
Naala manipud iti suspek ti maysa a sako a naglaon iti tallo a manok a pangtadi ken tallo nga upa.
