Pinasingkedan ni Senate President Pro Tempore Panfilo Lacson a no ti panangsuspenso ti excise tax ket mabalin a mangitunda ti pannakapukaw ti nasurok-kumurang P200 bilyon a kita ti gobierno ket posible met nga umabot iti P320 bilyon ti mapukaw no masuspenso ti Value Added Tax (VAT) iti produkto petrolyo ken maapektaran ti gross domestic product (GDP) ti pagilian.
Segun ken ni Lacson, masapol ti nainget a panangadal iti daytoy a gakat gapu iti dakkel nga epekto na iti kita ti gobierno.
Nagpanawagan ti senador iti nainget nga addang ti gobierno tapno maprotektaran dagiti Pilipino kontra iti agtultuloy a panagngato ti presio ti produkto petrolyo.
Impaganetget ni Lacson a masapul nga iti salinong ti Republic Act 8479, mabalin a temporario nga i-take over ti Department of Energy ti operasion ti sinuman a tao a karaman iti industriya ti langis iti national emergency ken no kasapulan para iti pagsayaatan ti publiko.
