--Ads--
Umaboten iti 6 a pasahero ti kumpirmado a naapektaran iti hantavirus iti maysa a cruise ship, segun iti World Health Organization (WHO).
Nakumpirmaran nga ‘Andes virus’ ti naala dagiti 6, maysa daytoy a klase ti hantavirus, a na-detect babaen iti PCR testing.
Malaksid kadagiti 6, adda pay 2 a “probable cases” a bambantayan dagiti eksperto.
Iti agdama, 3 ti nairekord a natay manipud iti barko.
-- ADVERTISEMENT --
Umabot iti 147 a pasahero ken tripulante ti inlugan ti cruise ship a mapan koma idiay Spain.
4 a pasyente ti naibaba ken nai-confine kadagiti ospital iti South Africa, Netherlands, ken Switzerland, idinto a negatibo met iti testing ti maysa a suspected case a naipan idiay Germany.
