Aramaten nga ebidensya iti sumagmamano a kabagyan dagiti mapukpukaw a sabungeros ti kuarta a mapapati a naited kadakuada iti abogado ni Atong Ang.
Segun ken ni Dianne Loyola, maysa kadagiti kabagyan ti missing sabungeros, nakaawat isuna ti P30,000 manipod iti abogado ni Ang a ni Atty. Caroline Cruz idi Abril a mapapati a tulong kadakuada.
Namaysa-maysa payen dagiti kabagyan tapno saanen a dumar-ay kadagiti panagdenggeg iti kaso kontra ken ni Ang a maibilang a mastermind wenno utek iti pannakapukaw dagiti sabungeros iti manon a tawen a naglabas.
Kinuna ni Loyola, ti dadduma ket dakdakkel iti gatad ti naawatda ken adda pay payroll-da.
Malaksid iti panangted ti kuarta ket maitugtugot dagiti kabagyan dagiti sabungero iti farm ni Ang ket mairanrana pay nga aldaw iti hearing kadagiti kaso.
Idi Biernes ket pormal anagipila ti reklamo nga obstruction of justice da Loyola ken dadduma pay a pamilia iti missing sabungeros kontra ken ni Cruz iti Department of Justice.
