--Ads--
Naitaray iti ospital ni Kris Aquino kalpasan a rimmuar ti makapadanag a resulta iti blood test-na.
Segun ken ni Kris, binalakadan isuna ti doktor a dumalan iti ultrasound ken dadduma pay a test tapno makita ti posible a peggad iti kasasaadna.
Agdama nga adda sangapulo ket maysa nga autoimmune diseases ni Kris ken agtumtumar kadagiti agas a kas ti immunosuppressants ken antihistamines.
Pinilina ti agpaagas kadagiti doktor a Pilipino ken liklikan dagiti agas a mangitunda kenkuana iti allergic reaction.
-- ADVERTISEMENT --
Iti agdama, adda isuna idiay Tarlac para iti idadalanna iti innem a bulan a preventive isolation ken nagkiddaw iti kararag ken suporta para iti panaglaingna.
