Remedyaran iti Kongreso ti K-12 program tapno matungpal ti kari a job-ready dagiti agturpos ti basic education.
Segun ken ni House Committee on Basic Education and Culture chairperson ken Pasig City Rep. Roman Romulo, naipasan ti resulta iti panagadal ken rekomendasyon ti Second Congressional Commission on Education (EDCOM 2) idiay Malakanyang ken Kongreso tapno makaaramid dagiti gakat a mangpasayaat ti K-12 program.
Segun ken ni Romulo, ti commitment kadakuada kadagita a panawen ket apaman a nalpas ti Grade 12 ket nakasaganan iti trabaho wenno college.
Kinuna ni Romulo a maibasar ti enrollment pattern iti uppat a track program iti senior high school ket makita nga awan dayta iti direksyon tapno agpartuat kadagiti job-ready graduates.
Pinasingkedanna a ti technical-vocational program ket kasapulan a mapapigsa tapno agbalin a job-ready dagiti agturpos iti Grade 12.
Iti agdama dagiti tech-voc graduate ket adda kabaelanda para iti National Certificate (NC) 2 level wenno adda skills ngem saan a mabalin a baybay-an nga agmaymaysa iti trabaho.
