--Ads--
Nanayunan pay dagiti kongresista a mangsupsuporta iti speakership bid ni Leyte Rep. Ferdinand Martin Romualdez iti umadani a 20th Congress.
Segun ken ni House Deputy Speaker ken Quezon Rep. David Suarez, umaboten iti 285 a kongresista ti mangsupsuporta ken ni Romualdez, ngimmato manipud iti 278 dua a lawas ti napalabas.
Innayon ni Suarez a ti panangipakita ti panagkaykaysa dagiti nadumaduma a partido politikal iti panangpili iti agbalin a lider ti kamara ket napateg iti maudi a paset ti Marcos administration.
315 dagiti miembro ti kamara agraman ti innem a pulo ket tallo a mangibagbagi iti nadumaduma a partylist group.
-- ADVERTISEMENT --
