Naartapan ti Port of Clark ti target-da a koleksion para iti umuna nga innem a bulan iti 2026 tapno makaur-or ti P2.765 billion kas pinasingkedan ti Bureau of Customs (BOC).
Segun ti BOC-Port of Clark, naglabes dayta ti P104.71 million iti naituding a revenue target para iti first semester iti tawen.
Malaksid iti nangato a koleksion, nakaisayangkat payen ti pantalan ti napainget a laban iti smuggling babaen ti panangiruar ti 51 Warrants of Seizure and Detention, a nagresulta iti pannakaala dagiti kontrabando nga aggatad iti nasurok P614 million.
Segun ken ni District Collector Jairus Reyes, dakkel a paset ti balligi ti Port of Clark ti natibker a kammayetda iti Customs Industry Consultative and Advisory Council, Clark Development Corporation, LIPAD Corporation ken dagiti air express cargo operators.
