Indauloan ni Presidente Ferdinand Marcos Jr. ti inagurasion ti kaunaan nga interactive Energy Museum ti pagilian a gagem na a palawaen ti kina-ammo ti publiko mainaig iti enerhiya ket itandudo ti responsable a panagaramat ti kuryente.
Ti inagurasion ti nadakamat a proyekto ken selebrasion ti maika-duapulo ket lima nga anibersaryo ti Electric Power Industry Reform Act (EPIRA), pinasingkedan ni presidente Marcos a paset ti pasilidad ti nalawa a inisyatibo ti gobierno.
Impaganetget ni Marcos a sup-suportaran ti museo ti direktiba ti administrasion iti DOE a papigsaen ti kina-ammo ti publiko kadagiti patangan iti enerhiya babaen iti interactive exhibit a mangipakpakita iti agduduma a paggappuan ti enerhiya ken teknolohiya iti pagilian, pakairamanan ti solar, geothermal, hydropower, natural gas, energy storage systems, ken nuclear energy.
Innayon pay ti presidente a nagserbi pay ti museo kas panagpuonan para iti masangoanan.
