Nangted ti inspirasyon ti 22 years old a ni Rolan Popatco Jr. kalpasan a nakapasa iti March 2026 Medical Technologist Licensure Examination ken nagbalin a kaunaan nga Aeta a lisensyado a medical technologist idiay Pampanga.
Dayta iti kinumpirmaran ti Provincial Social Welfare and Development Office ket naibingay ti balligina, a saan laeng a para iti bagbagina no diketdi para iti komunidad iti Aeta.
Ni Rolan ket dimmakkel iti kabambantayan ken ingkagumaanna iti nagadal iti siudad.
Iti tulong iti agduduma nga scholarship manipod iti gobierno ket naturposna ti kurso a Bachelor of Science in Medical Technology.
Nagserbi pay nga SK Chairman bayat iti panagbasana.
Aminado ni Rolan a dimmalan isuna kadagiti pannubok ken dandani simmuko ngem nagbalin nga inspirasyonna ti komunidadna tapno agtultuloy.
Kayatna iti agbalin a doktor iti masangwanan tapno makaipaay ti serbisyo medical kadagiti padana nga Aeta iti kabambantayan.
Iti agdama ket agsapsapul isuna ti scholarship tapno maituloy iti arapaapna iti medisina.
