Sinelyuan ti Pilipinas ken United Arab Emirates iti maysa a tulagan para iti free trade bayat iti kaadda ni Pres. Ferdinand Marcos Jr. idiay Abu Dhabi para iti maikadua nga aldaw a working visit-na.
Naimatangan ni Pres. Marcos kadua ni UAE President His Highness Sheikh Mohammed bin Zayed Al Nahyan, ti panagpirma ken panagsinnukat ti Comprehensive Economic Partnership Agreement (CEPA) babaen ken ni Trade and Industry Secretary Ma. Cristina Roque para iti Pilipinas.
Naaramid iti panagpirma iti CEPA iti sidelines iti Abu Dhabi Sustainability Week (ADSW) 2026 Summit a napasamak iti Abu Dhabi National Exhibition Center.
Ti CEPA ket maysa a pakasaritaan iti balligi kas kaunaan a free trade agreement iti Pilipinas iti maysa a pagilian iti Middle East.
Gagem ti tulagan a kissayan dagiti taripa, papigsaen ti market access para kadagiti produkto ken serbisyo, pangatoen ti puonan ken agaramid kadagiti baro a gundaway para kadagiti Filipino professional ken service providers nga adda idiay UAE.
Karamanna pay dagiti napapateg a sektor kas ti digital trade, MSMEs, sustainable development, intellectual property, competition ken consumer protection, government procurement ken technical cooperation.
