Inallukoy ti Power for People Coalition (P4P) ti Energy Regulatory Commission (ERC) nga agipatungpal ti nasaysayaat nga addang tapno maprotektaran dagiti consumer iti kumarkaro nga energy crisis iti pagilian.
Segun ken ni P4P convenor Gerry Arances, saan a naan-anay ti panangipasardeng laeng iti disconnection ti kuryente ken panangipatungpal ti staggered payment schemes tapno marisut ti rigat dagiti consumer.
Idi napan a lawas, imbilin ti ERC ti amin a power distribution utilities iti Luzon, Visayas ken Mindanao a suspensoen ti service disconnections para kadagiti saan a nakabayad ti bills na manipud Mayo agingga Hulyo ita a tawen.
Nabilin pay dagiti utility company nga agipatungpal ti staggered wenno deferred payment schemes tapno maikkatan ti financial burden dagiti consumer.
