Nakai-record ti National Kidney and Transplant Institute (NKTI) ti duapulo a kaso ti leptospirosis, idinto nga uppat a pulo ket maysa nga infectious patients ti maag-agasan iti San Lazaro Hospital lepto ward.
Kadagiti nasao nga uppat a pulo ket maysa a pasyente, sangapulo ket uppat ti menor de edad nga agtawen manipod sangapulo ket tallo agingga sangapulo ket walo.
Segun ti hepe ti San Lazaro Hospital a ni Dr. David Suplico, manamnama a ngumato ti kaso ti leptospirosis iti sumaruno nga aldaw.
Pinasingkedan ti NKTI a ti amin a Department of Health (DOH) hospitals ket mabalin a mangisayangkat ti hemodialysis – maysa a medical procedure a maaramat ti makina tapno masagat ti rugit ken sobra a danum manipod iti dara no ti bato ti maysa a tao ket saan nga umiso ti panagtrabahona, kas no ti maysa nga indibidual ket naimpeksiyon ti leptospirosis.
