Umaboten iti 15,161 ti kaso ti dengue ditoy pagilian sipud Hulyo 20 agingga Agosto 2, 2025.
Segun iti Department of Health, ti bilang ket nangatngato iti dua a porsiento ngem iti 14,909 a kaso manipud Hulyo 6 agingga Hulyo 19, maysa lawas sakbay a dimmuprak dagiti bagyo a Crising, Dante ken Emong.
Nakaalerto latta ti ahensia iti posible a panagadu ti kaso nangruna ta apektado pay laeng iti habagat ken maysa a low pressure area iti laud ti Southern Mindanao.
Inallukoy ti DOH ti publiko a pagtalinaedenda a nadalus ti aglawlaw tapno saan a pagumokan iti lamok.
Balakadda pay met a no makarikna iti sintomas kas iti dua nga aldaw a gurigor, rashes, panagsakit ti bagbagi, mata, nagsusuopan, panagulaw ken panagbakwar ket dagus nga agpakonsulta iti doktor.
