Naipilaan ti kaso nga attempted homicide kontra iti security guard a nangbagkong iti pada na a security guard iti siudad ti Vigan.
Iti pannaki-uman ti Bombo Radyo Vigan ken ni Plt. Col. Rogelio Remiendo, Officer in charge ti Vigan City PNP, agin-innangaw ti biktima a ni Eduardo Damasco, agtawen ti tallopulo ket siam, a taga Brgy Rugsuanan , Vigan ket immuna nga inbaotna ti helmet iti suspek a ni Allan Jay Princena Guillermo, agtawen ti tallopulo ket tallo a taga Brgy Puerta real, Sto Domingo rason a nu apay a ti kutsilyonan ti innala a pangdangran iti biktima idi paawiddan a naggapo iti trabahoda
Lima a stab wounds ti napasaran ti biktima nga itan ket agpapaimbag iti ospital.
Nupay kasta, inpakaammo ti biktima a nakasagana isuna a makiareglo iti suspek no la ket baklayenna dagiti magastos iti ospital.
Vc- Plt. Col. Rogelio Remiendo
Kabayatanna, inlawlawag met ti suspek a gapu iti nabayagen a panangbully ti biktima kenkuana ti rason nu apay a naaramidna ti nasao a banag,
Kinuna ni Guillermo a sipud pay idi napan a tawen a bulbuly-en isuna ti biktima pakairamanan ti physical appearancena kangrunaan nu agkadwa da iti formation dagiti suldado sakbayda nga agduty .
Innayonna a sakbay a napasamak ti insidente ket daytoy biktima ti nangasot kenkuana rason nu saan metten a nakapagteppel idi immunan a diniswan isuna ti biktima
Vc- suspek Allan Jay Princena Guillermo
