Inawagan ni former Presidential Spokesperson Atty. Harry Roque a maysa nga ‘ambitious project’ ti 6 million housing project ti agdama nga administrasyon
Ti komentona ket kalpasan a naireport nga umabot paylaeng iti 140,000 a balay ti napatakder a maikontra iti kari ti gobierno a 1 million housing unit iti kada tawen
Nabiit pay nga inpakaammi ti Department of Human Settlements and Urban Development (DHSUD) a manipud iti 6 million housing units ket agbalin langen a tallo a million a pabalay ti manamnama a maaramid ti Marcos Administration
Ti met maitudtudo a lapped iti housing project ti administrasyon ket ti nabuntog a panangiruar ti pondo manipud iti pribado a sektor a tumultulong iti nadakamat a proyekto.
Innayon ni Atty. Roque a ti 1 million a pabalay ket kas metlaeng ti kari ti administrasyon a pagbalinenda a P20 pesos ti presyo ti kada kilo ti bagas
