Kiniddaw ti komite ti House of Representatives iti Department of Justice (DOJ) a mangipaulog iti lookout bulletin para iti pito nga opisial iti opisina ni Vice President Sara Duterte bayat ti pannakaituloy ti panagimbestigar ti panel iti mapapti a saan nga usto a panagaramat iti pondo.
Ni Manila 3rd Distrito ni Rep. Joel Chua, chairman ti House committee on good government and public accountability, ti nagkiddaw gapu iti panagkedkedda a saan nga umantedar ti hearing mainaig ti mapapati a financial irregularities iti OVP.
Ituloy ti Chua panel ti panagimbestigarda maipapan iti mapapati a saan nga usto a pannakausar ti confidential ken intelligence funds ni Duterte iti OVP kasta met idi secretary ti Department of Education (DepEd) manipud Hulio 2022 agingga iti Hulio 19 ita a tawen.
Dagiti mairaman iti immigration lookout bulletin order (ILBO) ket da OVP chief of staff Zuleika Lopez, assistant chief of staff ken bids and awards committee chairman a ni Lemuel Ortonio, administrative and financial services director Rosalynne Sanchez, special disbursing officers Gina Acosta ken Edward Fajarda, chief accountant Julieta Villadelrey ken dati a DepEd assistant secretary Sunshine Charry Fajarda.
