VIGAN CITY – Nabiktima iti mapapati a budol-budol gang iti kahera ti Grocery store ni Roderick Paz nga agtawen ti uppat a pulo ket innem, naasawaan nga agnaed idiay Barangay Padu Chico, Sto. Domingo a nakapwesto idiay tiyendaan ti Sto. Domingo a masarakan idiay Barangay Vacunero.
Adda ti dua a saan pay a nabigbig a gan-gannaet a suspek nga immasideg ken ni Marilyn Tabilos nga agtawen ti lima pulo, naasawaan, cashier ti ZAF store ken agnaed idiay Barangay Paduchico nga agpasukat iti kwarta isu nga inruwar na iti nareppet a kwarta iti uneg ti drawerna ket kiniddaw ti maysa kadagiti suspek nga isu iti agpili iti maisupli kenkuana a sangaribo a pisos.
Inted ti kahera iti nareppet a kwarta ti maysa kadagiti suspek ket kabayatan nga agpilpili, nag-order ti softdrinks ti maysa pay a suspek tapnu maiyaw-awan iti atensyon ti biktima.
Insubli ti suspek iti nareppet a kwarta sa da pimmanaw ket nadlaw ti biktima nga agkurang ti sangapulo ribo a pisos iti nareppet a kwarta.
Ti agdama, manarimaan pay laeng iti imbestigasyon dagiti otoridad inaig iti nasao a pasamak.
