Kaaduan kadagiti Pilipino ket umanamong nga ar-aramiden ti gobierno ti amin a kabaelanda kadagiti nadumaduma nga isyu iti West Philippine Sea, kas ti panangsalwad kadagiti mangngalap ken marine resources, kasta payen ti panangisayangkatda iti joint military patrol kadua dagiti kaalyadoda, basar iti Social Weather Stations survey.
Ti SWS survey ket nairuar sakbay ti maikatlo nga State of the Nation Address ni Presidente Ferdinand Marcos Jr.
1,500 a respondents ti nasurvey manipud June 23 agingga July 1 ket rimuar a 60 percent kadagiti Pilipino ti nangibaga a makanay ti tignay ti gobierno a joint patrol ken military exercise kadua dagiti kaalyadoda a pagilian.
72 percent kadagiti Pilipino ti mangayat a ti gobierno ket mangbukel iti alyansa kadagiti dadduma a pagilian tapno madepensaran ti karbengan ti pagilian iti West Philippine Sea.
