Mangipila ti Department of Education (DepEd) ti nasurok-kumurang maysa dosena a kaso maipanggep kadagiti “ghost students” iti Senior High School Voucher Program kalpasan a nabigbig ti Commission on Audit (COA) dagiti iregularidad manipod 2022 agingga 2024.
Segun ken ni Education Secretary Sonny Angara, adda pito a pending a kaso ken sangapulo ket dua pay a kaso iti dandanin maipila.
Kinuna ni Angara a sinukatanen ti DepEd ti sistema tapno maliklikan ti maulit a rekord ken saan a pudno nga estudyante pakairamanan ti nainget a beripikasyon ti enrollment ken learner number sakbay nga agbayad ti voucher.
Idi napalabas a tawen, nakatiped ti gobierno iti nasurok P50 million kalpasan a naisardeng ti voucher release iti sangapulo ket dua a pribado a pagadalan a napaneknekan a ghost.
