--Ads--
Nagbalaag ti Islamic Revolutionary Guard Corps a mabalin a maipit ti Amerika iti inawagan da a “deadly vortex” iti Strait of Hormuz no kas bilang maaddaan da ti madi a panaggaraw iti lugar.
Ti ballaag ti Iran Revolutionary Guards ket kasaruno ti damag mainaig iti imbilin a naval blockade ti Amerika iti nadakamat a ruta a maysa a kadakkelan a pagnaan ti langis iti lubong.
Pinasingkedan ti naval command Guards a kontrolado da ti Strait of Hormuz ken armado pay iti puwersa da.
Kagiddan daytoy, impaganetget ti grupo a ti baet dagiti maipagarup a “false claims” ti Amerika mainaig iti Strait of Hormuz, agtaltalinaed a nakalukat ti ruta para iti natalged a pagnaan dagiti barko kas panangsurot iti regulasion ti Iran ken dadduma pay a pagilian.
-- ADVERTISEMENT --
