--Ads--
Isaysayangkat ti Department of the Interior and Local Government (DILG) ti aplikasyon para iti Interpol red notice kontra ken ni dati nga Ako Bicol party-list Rep. Zaldy Co.
Segun ken ni DILG Secretary Jonvic Remulla, para kenkuana ket rumbeng a makaaladan iti red notice iti aniaman a gundaway ita a lawas wenno inton sumaruno a lawas.
Kinunana nga agdama nga adda ita idiay Portugal ni Co a sumangsango iti kaso maipanggep iti maanomalia a flood control project.
Segun ti Interpol, ti red notice ket panawagan dagiti polisia iti intero a lubong a sapulen ken temporaryo a kemmegen ti maysa a tao bayat a mayur-uray ti extradition wenno naan-anay a legal a tignay kontra iti dayta.
-- ADVERTISEMENT --
