Dinayaw ti maysa a professor iti komunikasion dagiti innovation ti Bombo Radyo Philippines a makitkita na a rason no apay nga agtaltalinaed a sisibiag ti industriya ti radyo iti baet ti napardas a pannakapaadda ti teknolohiya ken digital media.
Pinasingkedan ti maysa a professor ti Broadcasting Division ti West Visayas State University–College of Communication a ni Dr. Shiela Mae Quero, saan laeng a sumabsabay ti Bombo Radyo iti baro a teknolohiya ngem agbalin pay nga inspirasion kadagiti pada na nga istasion tapno agtultuloy a mangipaay ti husto ken mapagtalakan nga impormasion.
Segun ken ni Dr. Quero, ti visual component ti radyo ket mayataday iti baro nga henerasion dagiti agtutubo a naayat iti digital media.
Impaganetget na pay nga ti kultura ti kredibilidad ken ethical a panag-report ti Bombo Radyo ken nagbalin a pundasion ti panag-talek ti publiko iti uneg ti nasurok innem a pulo a tawen.
Iti agdama, adda 32 fully digitalized radio stations ti Bombo radyo Philippines nga agtultuloy nga agserbi saan laeng iti content ngem iti impluwensia ken talek ti publiko.
