Pinasingkedan ti National Bureau of Investigation (NBI) nga adda innem a tattao ti nakemmeg gapu iti panaglakoda iti government positions, pakairamanan ti maysa a nangibaga nga adda connection da kenni First Lady Liza Araneta-Marcos.
Segun iti NBI, inaresto dagiti agents da dagiti innem a tattao gapu iti syndicate estafa ken panaglabsing iti Article 177 (usurpation of authority or official functions) ti Revised Penal Code bayat ti entrapment operation idiay Manila Hotel.
Ti operasion ket kalpasan a nagipila ti reklamo ti maysa complainant iti Office of the Special Task Force ken Cybercrime Division kontra ti agnagan ti Diane a nangidiaya iti puesto kenkuana kas kameng ti Bangsamoro Parliament iti gatad a P8 milion.
Nag-play along ti complainant ket nagtunos dagiti dua iti agreement para iti pannakadutok ti anak ken kaanakanna iti parliament iti gatad a P15 million.
Impasigurado met ni Diane iti complainant nga i-arranged ti first lady dagiti naidiaya kaniada a puesto.
