--Ads--
Impakaammo ti Department of Justice (DOJ) a maisayangkat ti initial search dive inton bigat, July 10, 2025 idiay Batangas kas paset ti tignay tapno sapulen ti bangkay dagiti mapukpukaw a sabungero a mapapati a naipan iti Taal Lake.
Ti operasyon ket maisayangkat ti alas dies iti bigat babaen ti DOJ, Philippine National Police-Criminal Investigation and Detection Group (PNP-CIDG) ken Philippine Coast Guard (PCG).
Ti addang ket kalpasan nga impakaammo ni Julie “Dondon” Patidongan wenn alyas Totoy a naipan ti bangkay dagiti sabungero iti Taal Lake.
Ni Patidongan ket confessed middleman iti panagdukotan ket kinunana a posible nga umabot iti nasurok sangagasut iti nabiktima, adayo iti tallopulo ket uppat laeng a manarimaan a maimimbestigaran.
-- ADVERTISEMENT --
