Nakasaganan ti Senate Impeachment Court nga aramiden ti trial ti impeachment case ni Vice President Sara Duterte iti sumaruno a pito agingga walo a bulan kas pinasingkedan ni Senate President Sherwin Gatchalian.
Segun ken ni Gatchalian, ikonsiderarda a pabiiten ti proceedings tapno maaddaan ti umdas a panawen ti Senado a makapasa dagiti napapateg a legislative measures.
Kinunana a narigat ti schedule ti Upper Chamber kangrunaan ket umadanin ti deliberasyon ti gakat a 2027 national budget, ti agtultuloy a panagdenggeg ti flood control scandal ken dadduma pay nga isyu kas iti posible a panagamyendar ti Juvenile Justice and Welfare Act.
Kinunana a ti aramiden ti Senado iti impeachment trial ket ti panangadal kadagiti ebidensya ken testimonya dagiti testigo.
Tunggal senador ket mangilatang ti oras tapno adalen ti proseso malaksid iti posibilidad ti panagruar dagiti baro a testigo iti trial.
