Awan ti nakaipalaon iti rules ti Senate impeachment court a mangipalubos ti panagisayangkat ti virtual proceedings uray madi ti tiempo, segun ken ni court spokesperson Reginald Tongol.
Napagpatangan daytoy kalpasan a naipasardeng ti impeachment trial ni Vice President Sara Duterte gapu iti suspension ti government work iti Metro Manila gapu ti Habagat.
Inlawlawagna a kadagiti regular a korte, mabalin laeng nga agisayangkat ti virtual hearing no adda nag-mosion manipud iti aniaman a kampo ken adda naan-anay a rason para iti daytoy.
Pinasingkedan ni Tongol a mabalin nga agbalin a “logistical nightmare” ti panagisayangkat ti impeachment trial online gapu ta kasapulan a karaman saan laeng dagiti 24 a senator-judges, ngem uray pay dagiti miembro ti House prosecution ken defense panels, staff, dagiti staff ti senator-judges ken impeachment clerk of court.
