Pumigsa ti tsansa a mayuli iti Senate impeachment court ti impeachment case kontra ken ni Vice President Sara Duterte no saan a sumango iti isayangkat nga impeachment hearing ti House Committee on Justice inton Marso 25.
Segun ken ni Committee Chairperson ken Batangas Rep. Gerville Luistro, no makaiparang ni VP Sara kadagiti ebidensi8a kontra kadagiti ebidensia dagiti reklamo ket mabalinna a maguyugoy dagiti miembro ti komite ken ti intero a kongreso a waswasen ti sangsangwenna a reklamo nga impeachment.
Innayon ni Luistro a ti panagdar-ay ni VP Duterte iti impeachment hearing ket paset iti due process tapno mailanad ti biangna ken kontraen dagiti pammabasul a nakaipalaon kadagiti sangsangwenna nga impeachment complaint.
Pinasingkedan met ti miembro ti komite a ni Bicol Saro Partylist Rep. Terry Ridon a saan a mabalin a piliten ni VP Duterte a dumar-ay iti impeachment hearing.
