--Ads--
Kinumpirmaran ni Department of Justice (DOJ) Secretary Jesus Crispin C. Remulla nga adda nairuar nga Immigration Lookout Bulletin Order (ILBO) kontra kadagiti akusado iti pannakapukaw dagiti mannadi.
Segun ken ni DOJ Sec. Remulla, karaman iti lookout bulletin order da Atong Ang, Gretchen Barretto, ken dati a Philippine National Police National Capital Regional Police Office Director Jommel Estomo.
Maipalagip a dagiti nagan ket imbutaktak idi ti whistleblower a ni Julie ‘Dondon’ Patidongan gapu iti pannakapukaw ti nasurok sangagasut a mannadi sipud pay idi 2021 agingga 2022.
Inaklon ti opisial nga adda pay dadduma nga indibidual a nairaman iti kaso a nakaruaren iti pagilian.
-- ADVERTISEMENT --
